8 މާރިޗު 2018 ވީ ބުރާސްފަތި ދުވަހު މަޖީދިއްޔާ ސްކޫލްގެ ކުލަބު، ޖަމުޢިއްޔާ އެސޯސިއޭޝަންތައް އިފްތިތާޙް ކުރުމުގެ ރަސްމިއްޔާތު ކުލަގަދަ ގޮތެއްގައި ފާހަގަ ކޮށްފިއެވެ. މިރަސްމިއްޔާތު ފެށުމުގެ ގޮތުން ކުލަބު ޖަމުޢިއްޔާ އެސޯސިއޭޝަންތަކުގެ ދިދަ ނެގުން އޮތެވެ. އެކުލަބެއްގެ ދިދަ ނަންގަވާފައި ވަނީ އެކުލަބެއްގެ ރައީސެވެ. މިރަސްމިއްޔާތުގައި ވެސް ސްކޫލުގެ ޕްރިންސިޕަލް ދަރިވަރުންނާއި މުޚާޠަބު ކުރެއްވިއެވެ. ޕްރިންސިޕަލްގެ ވާހަކަފުޅުގައި މިފަދަ ކުލަބު ޖަމުޢިއްޔާ އެސޯސިއޭޝަންތަކެއް އުފެދިފައިވުމުގެ ބޭނުން ދަރިވަރުން ހިފަންޖެހޭކަން ހާމަކުރެއްވިއެވެ. މިގޮތުން ކުލަބު ޖަމުޢިއްޔާ އެސޯސިއޭޝަންތައް އުފެއްދުމުގެ މަޤުޞަދާއި، ދަރިވަރުންނަށް ލިބިގެންދާނެ ހުނަރުތަކަށް އަލިއަޅުވާލެއްވެވިއެވެ. އަދި ހުރިހާ ދަރިވަރުން ކުލަބުތަކުގެ ބޭނުން ހެޔޮގޮތުގައި ހިފުމަށް ގޮވާލެއްވެވިއެވެ.